Marrë shkas nga deklarata e papritur e Albërije Hadërgjonajt, ku i këshillonte “motrat” të kujdeseshin për veten, burrin si dhe dashnorin, menduam të sillnim për ju vajzat të cilat u dashuruan pas “djemve të këqinj”.
E para është vetë Albërija, e cila publikisht ka rrëfyer se është dashuruar dhe martuar në moshë fare të re. Bashkëshorti i saj ishte më së shumti në emigrim dhe kur ai u dënua me shumë vite heqje lirie, Albërija filloi të ndërtonte jetën e saj e vetme me dy vajzat, kështu ju dedikua edhe karrierës muzikore. Në fakt këngëtarja kishte rrëfyer se gjithmonë kishte qenë e vetme, pasi ish bashkëshorti në çdo kohë ishte larg nga shtëpia. Por kalimi i gjithë këtyre kalvareve në jetën e saj nuk i jep të drejtën të japë një deklaratë kaq të fortë duke qenë se është edhe gjyshe. Që pas ndarjes ajo nuk ka bërë të njohur ndonjë marrëdhënie tjetër edhe pse është e kuptueshme se nuk mund të jetë vetëm për kaq shumë vite.
Një tjetër vajzë që u dashurua me “një djalë të keq” është këngëtarja Rezarta Shkurta. Ajo është bashkëshortja e nipit të ish diktatorit Enver Hoxha, Ermal Hoxha. Këngëtarja qëndroi si një bashkëshorte e denjë ndërkohë që Ermali vuante dënimin në burg. Ajo hapi një biznes me emrin e së bijës “Hera Compani”, ku realizon foto dhe video kryesisht për bebet e personazheve të njohur dhe jo vetëm. Epo gjithë ato lekë të bashkëshortit do t’i investonte diku. Nuk kishte sita braktiste Rezarta Ermal Hoxhën, pasi me të “i ra llotaria”, se të ishte për këngëtaren akoma do të këndonte nëpër “festa shkolle”.
Meqë jemi tek këngëtaret nuk lëmë dot pa përmendur rastin e bujshëm të Elvana Gjatës. Ajo dhe Ervin Mata e kishin bërë në fshetësi fejesën e tyre. Lidhja e tyre u zbulua vetëm pas një sherri në bllok ku i dashuri i këngëtares ishte personazhi kryesor.
Por, a ju kujtohet Viola Spiro, ish e dashura e moderatorit Arjon Muça? Bjondja simpatike jo shumë pasi bëri publike lidhjen me biznesmenin, ai u arrestua për trafikim të lëndëve narkotike. Viola nuk e braktisi partnerin duke u shprehur se gjithçka do ta kalonin bashkë. Lidhja me “djalin e kaq” justifikonte jetën e luksit që bënte moderatorja sportive.
Marina Fara në fakt është përfolur për shumë lidhje me “djem të këqinj”. E fundit ishte lidhja me “bosin nga Laçi” Bledin, me të cilin Marina u tha se priste një fëmijë që nuk erdhi në jetë kurrë. Pushimet luksoze në Spanjë dhe jo vetëm, dhuratat e shtrenjta, makinat e fundit, e bija e këngëtares Eli Fara nuk hezitonte ti ndante me ndjekësit. Ishte pikërisht Spanja vëndi që burgosi “bosin e Marinës”. Ndryshe nga shoqet, pasi u burgos ajo e “braktisi” djalin dhe ka vazhduar një marrëdhënie të re.
I dashuri nga Laçi i Marina Farës është gjithashtu ishi dashuri i modeles Florida Sala. Në fillimet e saj ata kanë qenë shumë vite në lidhje. Që nga operacionet plastike, dhuratat e shtrenjta, udhëtimet e shpeshta, si dhe shumë të tjera Florida i përfitoi nga Bledi. Për këtë status jete që modelja ka dhe bën sot, i detyrohet pikërisht “bosit nga Laçi”.
Një tjetër ngjarje e bujshme ishte arrestimi i reperit Stresi. Ai u arrestua në hotel me lëndë narkotike, si dhe i shoqëruar nga një femër që nuk ishte e fejuara e tij Keisi. Pas arrestimit Keisi j’a fali gjithçka reperit dhe është në pritje të lirimit të tij. Ajo tashmë jeton me prindërit e Stresit dhe mban mbiemrin Lushaj, duke treguar se ligjërisht është bashkëshortja e Arkimed Lushajt.
Këto ishin vetëm disa nga rastet që zunë faqet e para të mediave kur ndodhën dhe pa dyshim që ka shumë të tjera. /Pamfleti/
