Një sasi hashashi në vlerën e 60 milionë eurove është sekuestruar nga policia italiane. Droga po transportohej me një barkë me vela, e cila u kap në brigjet siciliane. Droga e bllokuar arrin në 6.2 tonë që mendohet se ishte nisur nga Spanja dhe kishte destinacion Italinë.
Sinjalizimi për sasinë e drogës ëhstë dhënë nga autoritetet francize, ndërsa finalizimi i operacionit “Libeçio International” u bë nga Guardia di Finanza dhe roja bregdetare italiane
Barka “Luna III” e nisur nga brigjet spanjolle u gjet mbrëmjen e 10 prillit pas 72 orësh kërkimi në det të hapur.
Hashashi, i 5 cilësive të ndryshme, ishte paketuar në 231 thasë lecke të emërtuar me simbole e numra mes të cilave dhe një markë e njohur automobilistike.
Vlera e drogës sipas autoriteteve italiane do të sillte një përfitimi prej 60 milionë euro.
Në pranga janë vënë 3 anëtarët e e ekuipazhit me shtetësi spanjolle.
Autoritetet italiane informojnë se nga vera e vitit të kaluar e deri më sot ky është i 5-ti mjet lundrues i kapur me drogë, e i nisur nga Spanja drejt kanalit të Sicilisë.
