Kryetari i PD, Lulzim Basha, duke folur para qindra mijëra shqiptarëve të bashkuar para kryeministrisë, deklaroi se nuk do të ketë më asnjë kompromis në kurriz të shqiptarëve.
Ai tha se shqiptarët e bashkuar dhe opozita i bëjnë të qartë botës, se me Edi Ramën nuk ka shtet, nuk ka zhvillim dhe as Europë.
“Në 16 Shkurt ishte bashkimi më i madh i shqiptarëve, ne ju bashkuam që ishte akti më i madh me djegien e mandateve. Që nga ai moment radhën e bashkimit tonë ka tejkaluar konturet e të gjitha partive të marra sëbashku, sot koalicioni i opozitës është me juve. Partitë e opozitës dhe PD e dinë shumë mirë se ky7 mandat bashkimi që jepet nga shumica e shqiptarëve të bashkuar, kërkon zgjedhje të menjëhershme. Sot është dita të mos bëhen më kompromise, kurrë më asgjë më pak se standardi europian për zgjedhje të lira dhe të ndershme. Ta dëgjojë bota se nuk do të ketë më kompromis, e Duam Shqipërinë si gjithë Europa. Pengesa e vetme e Shqipërisë si gjithë Europa është qeverisja e krimit. Pengesa dhe rreziku numër një i Shqipërisë si gjithë Europa është asgjësimi i themeleve europiane, asgjësimi i Gjykatës Kushtetuese, me qëllim për të vjedhur të gjithë shqiptarët. Me Edi Ramën, nuk ka shtet, nuk ka zhvillim, nuk ka integrim”, deklaroi Basha.
