Turjan Hysko dhe Orinda Huta kanë vite që prezantojnë emisione të ndryshme në televizionet shqiptare, por asnjëherë nuk kanë prezantuar të dy bashkë një emision.
Para pak minutash, Turi zbuloi se do të prezantojë për herë të parë përkrah bashkëshortes së tij programin e famshëm që do të nisë së shpejti në “TvKlan”.
Bëhet fjalë për “Portën e Fatit”, që do të transmetohet brenda emisionit “Familja” dhe që do t’u japë njerëzve mundësinë për të fituar deri në 10 milionë lekë.
Në videon e publikuar nga moderatori, Orinda dhe Turi shfaqet në një restorant duke pirë një gotë dhe duke folur për planet e reja.
“Jam i lumtur që do bëjmë të lumtur shumë familje shqiptare! Brenda programit “Familja” në bashkëpunim me Lotarinë Kombëtare kemi një super surprize!!!!Bileta “Porta e Fatit” ju jep mundësinë të fitoni çdo javë një makinë, një apartament ose 10 milionë lekë dhe plot çmime të tjera! Ka dhe një detaj të vogël… Në prezantim nuk do të jem vetëm!”, shkruan Turi në Instagram.
