Revolucion në Korçë! Ardjan Takajt i ësh të sosur durimi pas humbjes së fundit që Skënderbeu pësoi përballë Partizanit. Dhe kjo nuk vjen prej rezultatit 2-0, por nga loja e dobët që zhvilluan të tijtë në këtë takim.
Vetëm një goditje në portë nga Dejvi Bregu është shumë pak për të treguar se lojtarët e meritojnë fanellën që mbajnë të veshur.
Për këtë arsye, burime pranë klubit bëjnë me dije se në fund të këtij sezoni do të ketë shumë “firo” nga radhët e korçarëve. Largime, të cilat janë konfirmuar pas paraqitjeve të dobëta të Skënderbeut në këtë sezon, veçanërisht në dy fazat e kaluara. Po të njëjtat burime bëjnë me dije se një numër i limituar futbollistësh do të rezistojnë në fundin e këtij sezoni, raporton “Panorama Sport”.
DILEMAT
Në krye të listës qëndrojë titullarët, ata nga të cilët këtë sezon pritej më shumë, por që deri diku kanë zhgënjyer me lojën e tyre. Duke filluar nga Aldo Teqja e për të kaluar tek Abazi në mbrojtje, Gripshi në mesfushë dhe duke përfunduar te Krasniqi apo Oto Xhon në sulm, duhet të bëjnë shumë për të bindur drejtuesit se e meritojnë një fanellë të Skënderbeut për sezonin e ardhshëm.
