Në Korçë janë duke i dhënë dorën e fundit përgatitjeve për sfidën shtëpiake me Kastriotin e Krujës, ku korçarët kanë shansin e artë që të rikthehen te fitorja dhe 3 pikët për të rikuperuar edhe klasifikimin.
Skuadra e Skënderbeut ka vuajtur shumë edhe mungesat e lojtareve titullarë, të cilët natyrisht që kanë pasure dhe ndikimet e tyre në skuadrën korçare e cila tashme duket e destinuar për të bërë kthesën, pasi “zona e ftohtë” duket sa larg aq edhe afër duke parë rikuperimin e pikëve nga ekipet e Luftëtarit apo dhe Kastriotit.
Pikërisht, për ndeshjet me këta të fundit, trajneri Orges Shehi do të ketë gati edhe tre lojtarë të rëndësishëm dhe bëhet fjalë për kapitenin dhe një nga pikat e forta të mbrojtjes, Marko Radas. Por, jo vetëm ai, edhe Toskiç e Taipi e kanë kaluar dëmtimin dhe janë gati për korçarët në sfidën e radhës në kampionat ndaj krutanëve.
Ndërkohë edhe tifozët kanë qenë të shumtë në këto seanca dhe vazhdojnë të besojnë se kjo skuadër do të jetë në nivele të larat edhe këtë sezon pavarësisht luhatjeve të javëve të fundit në lojë e rezultate./VipSport
