Zv.ministri i Mbrojtjes, Petro Koçi, i cili u kthye në meme talljesh në rrjetet sociale, për shkak të konmenteve të tij në rrjetet sociale gjatë intervistës së Ramës në emisonin ‘Porta a Porta’, ka bërë një tjetër deklaratë të fortë.
Duke komentuar deklarata e Metës për përdorimin e ushtrisë në ruajtjen e aeroportit, duke thënë se për një veprim të tillë duhet pyetur presidenti, Koçi ka deklaruar se në kohë paqeje autoritetitn e tij për të lëvizur trupat ushtarakë e ushtron kryeministri dhe ministri.
“Kam përshtypjen se duhet të jetë shumë i kompleksuar nga ajo që ka thënë para disa kohësh, ku tha se: Rrezikohemi nga një juntë ushtarake. E kam cilësuar që atëherë si një deklaratë të papjekur. E duke marrë shkas nga kjo, po mundohet të justifikojë veten për atë çfarë ka thënë”, u shpreh Petro Koçi.
I ftuar në studion e Top Talk, zv/ministri i Mbrojtjes Petro Koçi, u shpreh se nuk ishte e nevojshme që Presidenti të njoftohej, pasi nuk kishte një lëvizje trupash.
“Nuk ka nevojë për ta njoftuar, sepse nuk është ndonjë lëvizje trupash. Nuk është rasti i parë. Sigurisht ne jemi të lirë për të komunikuar me Komandatin e Përgjithshëm, skemi asnjë lloj pengese. Presidenti është Komandati i Përgjithshëm i Forcave të Armatosura dhe ushtron këtë autoritet nëpërmjet Kryeministrit dhe ministrit në kohë paqe, në kohë lufte ndryshon”, tha ai.
