Një trup i pajetë është gjetur mesditën e kësaj të premteje në qytetin e Vlorës.
Nga infomacionet paraprake, mësohet se dallgët e detit kanë nxjerrë në breg trupin e pajetë në Zvërnec. Trupi u pikas nga peshkatarët, që më pas lajmëruan policinë.
Policia dhe grupi hetimor kanë shkuar në vendngjarje.
Policia njoftoi se: “Rreth orës 15:20, në plazhin e Zvërnecit, është gjetur një trup i pa jetë i cili i përket shtetasit I.I., 56 vjeç. Nga këqyrja paraprake në trupin e viktimës nuk janë konstatuar shenja dhune apo dëmtime të tjera. Dyshohet se shtetasi I.I, kishte probleme mendore dhe ishte endacak. Grupi hetimor po kryen veprimet për sqarimin e rrethanave të ngjarjes”.
/bn/
