Themeluesi i WikiLeaks 47-vjeçari Julian Assange i cili gjatë 7 viteve të fundit ka jetuar në një nga lagjet më të vjetra të Londrës, u arrestua paraditen e djeshme duke u paraqitur në mënyrë aspakkuruar me të cilën ai është shfaqur gjithmonë.
Në mediat e huaja Assange është kritikuar për pamjen e tij të jashtme. Në fotot dhe videot e publikuara në momentin që ai u arrestua ai u shfaq i parruar, me flokët e shprishura dhe me duart në pranga. Ai është cilësuar si një figurë patetike nga Daily Mail Online.
Në momentin kur u arrestua, themeluesi i Wikileaks Julian Assange mbante një libër në dorë. Bëhet fjalë për librin e Gore Vidal-it, me titull: ‘The History of the National Security State.’
Nuk është e qartë nëse themeluesi i WikiLeaks po përpiqej të përcillte një mesazh. Tematika e këtij libri prek tema të dashura për Assange dhe Wikileaks, siç është zgjerimi i pushtetit ekzekutiv që çoi në atë që autori e quan ” presidenca perandorake “.
“Njerëzit nuk kanë zë sepse nuk kanë informacion,” thotë autori i librit Vidal në brendësi. Kujtojmë që Assange botimi disa materiale të klasifikuara, që flisnin me detaje për krimet e dyshuara të luftës në Irak dhe Afganistan, gjatë administratës së George W. Bush.
Assange është akuzuar për një sëre veprash penale dhe si duket do të kalojë disa vite i mbyllur në burg.
