Gazetari Artan Hoxha i qenë prezent në studion e emisionit “Opinion” në TV Klan ka folur rreth grabitjes së aeroportit të Rinasit.
Hoxha ka zbuluar edhe një detaj të pathënë më parë se përveç viktimës edhe një person tjetër ka ngelur i plagosur në shpatull.
Sipas Hoxhës edhe pas kësaj ngjarje të rëndë siguria e aeroportit ka ngelur po e njëjtë.
“Nga hetimet deri tani është edhe një person tjetër i plagosur në shpatull. Deri tani janë sekuestruar janë sekuestruar 7 kallashnikovë, pistoleta, granata, lëndë djegëse për të djegur furgonët. Një kolege e jona gazetare ka bërë një provë sot dhe ka shkuar në vendin ku u futën grabitësit dhe niveli i sigurisë ishte po i njëjtë. Ka pritur katër minuta dhe atherë ka ardhur ai i sigurisë i paarmatosur edhe pse është bërë një zhurmë e madhe siguria është zero”,– tha Hoxha.
