Ish-deputeti dhe ministri demokrat Tritan Shehu ka reaguar menjëherë pas deklaratës së minsitres Olta Xhçka lidhur me praninë e forcave ushtarake në aeroportin e Rinasit.
Ai tha dje se rritja e forcave të sigurisë në aeroport tregon se Shqipëria është në gjendje të jashtëzakonshme, të pashpallur zyrtarisht.
“Evoluimi i masave për Rinasin tregon se Shqipëria është nën gjendje të jashtëzakonshme, të pashpallur zyrtarisht! Ministria e Mbrojtjes deklaron se po dislokon Policinë Ushtarake dhe Batalionin Special të Ushtrisë për të marrë nën kontroll Rinasin. Kjo do të thotë veçse shpallje e gjendjes së jashtëzakonshme de facto në vend, pavarësisht se akoma jo de jure. Kjo tashmë është e qarte dhe e paprecedentë, duke dëshmuar kolapsin e plotë të qeverisjes e duke imponuar pa asnjë ekuivok iniciativa dhe ndryshime politike rrënjësore”, – shprehet Prof. Dr. Tritan Shehu.
