Kryetarja e LSI-së Monika Kryemadhi ka hedhur dyshime mbi grabitjen në aeroportin e Rinasit. Sipas saj makina e grabitësve nuk ka asnjë plumb, gjë që vë në dyshim përplasjen me armë të autorëve me policinë.
Më tej Kryemadhi shton se grabitja ka qenë e koordinuar dhe se ajo është organizuar nga bandat e Edi Ramës.
“Situata është shumë e rënduar, jo thjesht te grabitja. Kultivimi i lëndëve narkotike. Rinasi është vetëm një hallkë e krimit të organizuar në Shqipëri.
Në vend që të marrin përgjegjësitë institucionet përkatëse, i hedhin fajin njëri tjetrin. Marrëveshja me kinezin është e qëllimshme. Grabitja ka qenë diçka e koordinuar, kush mendon që jo është naiv.
Po të shikohet vrasja e autorit. Po të shikoni nuk ka asnjë plumb makina. Merreni dhe shikoni makinën.
A është koncesionari një offshore apo një kompani shtetërore? Se të jesh një kompani shtetërore dhe të mos kesh asnjë reagim?
Në 6 vjet qeverisje të Rama edhe pse nga deputetët e LSI-së i është kërkuar që të raportojë vit për vit një raport për krimin ndaj drogës, dhe nuk e kanë bërë asnjëherë dhe si mund të pretendonit që Romeo dhe Zhuljeta e gjithë kësaj të raportojnë saktë.
Këtu çdo gjë është fake. Kemi një realitet komplet ndryshe nga ajo që ne trumpetojmë”,- tha Kryemadhi.
