Një aksident masiv me përfshirjen e tre automjeteve ka ndodhur mbrëmjen e sotme në aksin rrugor Elbasan- Tiranë. Automjete janë përplasur me njëra tjetrën, ku si pasojë e këtij aksidenti, kanë mbetur të plagosur tre persona, mes tyre nënë e bijë.
Dyshohet se shkak është bërë shpejtësia tej normave të lejuara e njërit prej drejtuesve, “favorizuar” edhe nga lagështira në rrugë. Ende nuk bëhet me dije identiteti dhe gjendja shëndetësore e të plagosurve.
Aktualisht, si pasojë e vajrave të automjeteve në rrugë, është bllokuar një nga korsitë e autostradës.
Grupi hetimor ka mbërritur në vendngjarje dhe po punon për shkaqet e aksidentit.