Një burrë në Kinë ka zbuluar aksidentalisht se gruaja e tradhtonte me kryetarin e bashkisë. Zoti Yang e zbuloi tradhtinë e bashkëshortes, me të cilën kishte 20 vite i martuar, me anë të një kamere.
Ai e kishte lënë kamerën e makinës në shtëpi duke menduar se ishte prishur, por si duket ajo punonte dhe shërbeu për t’i hapur sytë.
Pamjet e filmuar përballë derës, tregojnë bashkëshorten e zotit Yang duke u përqafuar dhe puthur me një burrë tjetër.
Sipas dëshmisë së burrit të saj, ai ishte miku i tij i ngushtë, njëherësh edhe kryetar i bashkisë së qytetit Mudanjiang.
Pamjet janë filmuar në gusht të vitit 2016, por vetëm së fundmi janë ndarë me mediat ndërsa Yang është ndarë nga bashkëshortja e tij.
