Partizani mposhti me rezultatin e pastër 2-0 Skënderbeun në sfidën e zhvilluar në stadiumin “Selman Stërmasi”, të vlefshme për javën e 28-të të Kategorisë Superiore.
Golat e Belicës dhe Asanit rikthyen te fitorja skuadrën e Skënder Gegës, pas humbjes në fundjavë ndaj Luftëtarit.
Një dominim i skuadrës së kuqe në sfidën e sotme, përballë një Skënderbeu, që pavarësisht se provoi disa herë, nuk arriti të gjente rrugën e rrjetës.
Me triumfin e sotëm Partizani u ngjit në kuotën e 57 pikëve duke ruajtur në +9 diferencën nga ndjekësit e Kukësit.
