Trajneri i Skënderbeut, Orges Shehi, foli për mikrofonin e “Supersport” pas humbjes në “Selman Stërmasi” ndaj Partizanit, ku u shpreh:
Mos është pak i tepër objektivi i vendit të 3-të?
Nuk është i tepërt objektivi, vazhdon sindroma e episiodeve. Nuk jemi në ditën më të mirë, por nuk është se na dominon kundërshtari. Kemi skuadër të re që akoma nuk e kupton që ndeshjet vendosen nga episodet. Duhet të kishim bërë më mirë në qarkullimin e topit. Duhet që skuadra të luaj me topin, nuk mund ta humb aq shpejt. Nuk kërkojmë të marrim përsipër. E bëjnë shumë mirë në stërvitje. Nuk tentojnë të marrin përsipër në lojë. Kemi gjithë javës që themi se Partizani është në kundërsulm shumë i rrezikshëm, aty e pësuam.
A mendon që faze e parë dhe e dytë ishte rastësi që Skënderbeu ishte në atë pozicion?
Ishte fryt i mobilizimit, përqendrimit, nuk ishte rastësi. Nuk i kemi lënë kundërshtarët të vijnë te porta. Na humbi përqendrimi dhe grinta. Po nuk pate grintë s’bën dot gjë. Jemi shfaqur herë pas herë, por me hope. Bëjmë ndeshje të mira me Kukësin dhe Teutën. Çeduam në Gjirokastër dhe këtu në kryeqytet. Edhe pse këtu nuk shkoi shumë keq.
I frikësoheni zonë të ftohtë?
Ne mundemi nga episodet, nuk ka kundërshtarë që na dominon. Duhet të rrisim përqendrimin. Kemi objektiva të shohim përpara. Të fillojë Skënderbeu të shikojë mbrapa, i bie të shkrihet e gjithë skuadra. Duhet t’i vëmë gishtin kokës. Edhe shumë pak javë janë deri në fund të kampionatit.
