Drejtori i Policisë së Shteti,t Ardi Veliu ka njoftuar ndryshime të kompetencave të policisë në aeroportin e Rinasit. ““Shefi i komisariatit të policisë së Rinasit krahas detyrave funksionale që do të ketë për kontrollin e menaxhimit të kufirit merr edhe përgjegjësinë e drejtimit, menaxhimit, kontrollit dhe bashkëpunimit me kompaninë e sigurisë në aeroport për të bërë të mundur kthimin e sigurisë në ato parametra që kërkojnë qytetarët por edhe standardi i Aviacionit Civil”, tha Ardi Veliu në një konferencë nga Rinasi.
“Policia e Shtetit do të jetë që do marrë përgjegjësi”, tha zv/ministri i Infrastukturës Artan Shkreli, “s’kemi hallin financiar, ajo që na shqetëson është siguria e qytetarëve”.
“Kemi dhënë rekomandime për rritjen e sigurisë. Parametrat e sigurisë që janë bërë në pranverë të 2013 do ndryshojnë duke pasur parasysh ngjarjen e djeshme. Do të jetë Policia e Shtetit që do marri përgjegjësi. Koncesionari nuk ka qenë në gjendje të krijojë atë nivel sigurie që kërkohet sot, referuar ngjarjes së mëparshme. Shumë shpejt do të ketë informacione se çfarë ju gjet personit të vrarë. Duhet thënë se ka ndodhur e keqja më e vogël, humbje financiare, por fatmirësisht nuk kemi pasur humbje në njerëz”, u shpreh ai.
/BN/
