Ministrja e Drejtësisë, Etilda Gjonaj në një dalje për media deklaroi se Task Forca Antikorrupsion ka gjetur me shkelje Burgun e Vlorës dhe Drejtorinë e Akreditimit të Institucioneve Shëndetësore.
“Nga kontrolli janë gjetur parregullsi në mbajtjen e dokumenteve në mospërputhje me ligjin në procedurat e akreditimit të institucioneve shëndetësore.
Janë rekomanduar 9 masa, vërejtje për drejtorin e institucionit, përgjegjësin dhe 7 specialistë të akreditimit dhe të drejtave të pacientit. Janë marrë masa për përmirësimin e veprimtarisë së institucionit” deklaroi ajo.
Po sipas saj, është dërguar për ndjekje penale drejtori i burgut të Vlorës dhe disa punonjës të tjerë për falsifikim dokumentesh.
