Ish-zëvendës drejtori i Policisë së Tiranës, Erzen Breçani i ftuar në “Opinion” ka dhënë detaje të reja lidhur me grabitësit e aeroportit të Rinasit.
Në fjalën e tij, Breçani është shprehur se nga burimet e tij disa nga grabitësit kanë kryer krime në Kosovë dhe Greqi.
“Sipas eksperiencës sime, në këtë grup ka persona me të shkuar kriminale në Kosovë e Greqi. Ky është një grup i strukturuar kriminal.”
Grabitja e armatosur ka ndodhur pasditen e sotme në pistën e aeroportit të Rinasit. 3 persona të armatosur me një makinë pa targa dhe që mbante mbishkrimin “Hetimi Tatimor” kanë vjedhur 10 milionë euro. Autorët janë përplasur me policinë. Policia ka vrarë njërin nga grabitësit. Deri më tani ka 40 të shoqëruar, dhe 4 urdhër arreste. Njëri prej grabitësve, dyshohet se është larguar me biçikletë drejt lagjes Bathore.
