U luajtën mbrëmjen e sotme dy ndeshjet e para çerekfinale të Champions League, ku Tottenhami priti Manchester Cityn në Londër, ndërsa Liverpooli në “Anfield” u përball me Porton.
Sapo kanë përfunduar këto takime, ku Tottenhami fitoi 1-0 ndaj Cityt, me golin e shënuar nga Son Heung-Min në minutën e 79-të.
Për t’u theksuar është se Aguero humbi penallti në pjesën e parë.
Në ndeshjen e kthimit, Tottehnami shkon me avantazhin e një goli, teksa çdo gjë duket e hapur përsa i përket kualifikimit në gjysmëfinale.
Në takimin tjetër, Liverpooli e mbylli me avantazhin e 2 golave sfidën me Porton, ku shënuan Keita dhe Firminho.
Me këtë rezultat, skuadra e Jurgen Klopp është pranë kualifikimit, edhe pse do t’i duhen edhe 90 minuta të tjera në “ferrin” e “Dragaos” në Oporto.
