Erion Braçe, që ditën e parë kur mori këtë detyrë, Edi Rama i bëri të qartë se roli i tij do të ishte të pastronte administratën publike. Edhe pse në fakt, roli i zv.kryeministrit duhet të jetë tjetër gjë, Braçe e ka marrë më shumë zell punën.
Sot, në kuadër të vizitave të tij të paparalajmëruara në zyrat e administratës, ka mbërritur mëngjesin e sotëm në Shkodër, ku ka takuar drejtorë në sektorë të ndryshëm. Por, Braçe foli për pushtetin lokal edhe pse ai ka për detyrë të kontrollojë administratën e pushtetit qendror.
Teksa ka komentuar situatën, Braçe nuk ka kursyer as kryebashkiaken e Shkodrës Voltana Ademi, teksa thotë se këtë herë të paktën koshat e plehrave ishin të pastruar. Braçe ka komentuar dhe zgjedhjet lokale që janë dekretuar që të mbahen në 30 Qershor, duke thënë se ato patjetër që do të mbahen.
“Jam këtu ashtu siç e kemi thënë për të inspektuar drejtoritë rajonale. Kam ardhur që në 8 të mëngjesit dhe i kam gjetur në punë në shumicën e drejtorive ku isha prezent. Ajo që më shqetëson është vendet bosh që janë ne disa institucione te ndryshme te cilat duhet te plotesohem nga te rinjte dhe per kete nuk i duhet askujt tesara e partise.
Kete here ne Shkoder ne oren 8 te mengjesit kazanet e mbeturinave ishin te pastruar por afer bibliotekes gjeta qente endecak dhe mesa duket ne Shkoder per kryebashkiaken edhe qente lexojne. Patjeter qe kemi kandidatet per Shkodren per zgjedhjet vendore dhe ju siguroj se partia socialiste ka nje projekt te madh per ta ndryshuar komplet imazhin e ketij qyteti.
Me vjen keq per menyren si eshte ndertuar Shkodra, edhe per ndertimet dhe jo thjeshte per mbeturinat qe nese s’jane ne kazane jane ne shume vende te tjera qe nuk jane pastruar dhe per kete bashkia Shkoder ka marre shume gjoba nga institucionet. Sa i perket zgjedhjeve patjeter qe do te futemi ne zgjedhje dhe eshte normale qe opozita te kundershtoje qeverine. Kushdo qe te jete opozita ne do futemi ne zgjedhjet.
Sinjali dhe mesazhet e nderkombetareve jane te qarte duke thene se Parlamenti eshte legjitim, zgjedhjet kane qene legjitime dhe do jene legjitime. Zoti Palmer, zevendes ndihmes i sekretarit amerikan te shtetit qe eshte ne Tirane eshte nje nga ata qe ka lobuar fuqishem per perparimin e Shqiperise dhe proceset ne te cilat ndodhemi.
Kujtoni ju se une nuk kam sinjale per blerje votash ne Shkoder. Edhe ne Shkoder ka patur blerje pafund votash por na keni degjuar ndonjehere te kontestojme kryebashkiaken Ademi, asnjehere perderisa zgjedhjet jane çertefikuar si legjitime. Do vazhdojme te punojme fort ne çdo qytet per te ndryshuar imazhin, edhe ne Shkoder”,mësohet të jetë shprehur Braçe.
