Java e 28-të e Kategorisë Superiore luhet e gjitha të mërkurën dhe tashmë janë përcaktuar oraret e sfidave të programuara sipas kalendarit.
Nuk do të ketë takime në 15:45, apo 18:45. Tanimë do të luhet 15 minuta më herët dhe e gjitha kjo për shkak se në mesjavë luhet sfidat e fazës çerekfinale në Champions League.
Supersfida e kësaj jave është padyshim ajo mes Partizanit dhe Skënderbeut edhe pse jo me atë interesin e dikurshëm për shkak se Skënderbeu nuk është më ai i sezoneve të mëparshme, por sërish rivaliteti mes dy ekipeve mbetet i njëjti. Ndeshja mes “Demave të Kuq” dhe “Ujqërve të Dëborës” do të luhet në mbrëmje në orën 18:45.
Në Laç luhet një tjetër përballje mjaft interesante, teksa kurbinasit presin Kukësin që ende e mban një sy te titulli kampion. Nga ana tjetër bardhezinjtë e drejtuar nga Sulejman Starova duan vendin e tretë. Një fitore mund të shtonte edhe oreksin për vendin e dytë, pasi Kukësi që tanimë drejtohet nga Ernest Gjoka ka vetëm katër pikë më shumë.
Pak kilometra më tutje luhet një finale për mbijetesën. Kastrioti dhe Luftëtari përballen mes tyre dhe është një ndeshje e drejtpërdrejtë për qëndrimin në elitë. Sigurisht ka edhe shumë ndeshje deri në fund, por fitorja është i vetmi rezultat që kënaq krutanët.
Në mbrëmje, në Vlorë luhet një tjetër takim shumë i rëndësishëm për vendin e tretë, thuajse një finale ajo mes Flamurtarit e Teutës.
Ndërkohë që Tirana është ekipi i vetëm që i ka tre pikët e sigurta. Bardheblutë kanë në program ndeshjen me Kamzën e përjashtuar.
Kategoria Superiore – Java 28
E mërkurë, më 10 prill 2019
Ora 15:30 | Laçi-Kukësi
Ora 15:30 | Kastrioti-Luftëtari
Ora 18:30 | Partizani-Skënderbeu
Ora 18:30 | Flamurtari-Teuta
