Ish zëvendësministra i Arsimit, Taulant Muka ka vënë në pah qëndrimin me dy fytyra të qeverisë. Muka kujton akuzat që kryeministri Edi Rama i bëri pak ditë më parë rektorit të Universitetit të Tiranës, Mynyr Koni dhe nga ana tjetër, publikon një fotografi ku Koni shfaqet krah ministres së Arsimit, Besa Shahini.
Bashkë me foton e publikuar në Facebook, Muka shkruan: “A mund te merren seriozisht keta?! KM ofendon rektorin e Universitetit te Tiranes dhe e akuzon ate si pergjegjes per gjendjen, ndersa ministrja e mban ne krahe te djathte”!
“Propagande per te bere zhurme por per te mos marre asnje hap konkret per ndryshimin e gjendjes! 80%-90% e rektoreve ne takimin me ministren kane marre titujt profesor ne kundershtim me ligjin, ndersa ministrja ju kerkon VETTING ne akademi! Hajduti te kape hajdutin i thone kesaj…”, shton ai.
