Një grua dhe një burrë me origjinë shqiptare kanë humbur jetën në një aksident rrugor. Ngjarja ndodhi mbrëmjen e kaluar pranë zonës së njohur si Bitonto, në Bari të Italisë. Mediet lokale shkruajnë se gjithashtu ndodhet në gjendje të rëndë një tjetër person.
Ai është 43-vjeç, me profesion polic dhe aktualisht ndodhet i shtruar në spital. Sipas informacioneve paraprake, dy shqiptarët udhëtonin me një automjet tip “Renault Clio” që ishte nisur drejt Barit dhe në rrethana ende të paqarta humbi drejtimin.
Në këtë moment u përplas me një automjet tip “Ford Kuga” në të cilën udhëtonte polici 43-vjeçar.
