Agron Duka, kryetar i PAA-së, është përfshirë në një debat me deputetin Adriatik Alimadhi, i cili ka marrë mandatin pasi opozita u largua nga Kuvendi.
Duka ka postuar në rrjet një koment, ku shkruan se “sikurse thotë shprehja e vjetër, ‘një politikan mendon për zgjedhjet e ardhshme, ndërsa një burrë shteti mendon për brezat e ardhshëm’, gjykoj se ka ardhur momenti që ne të mendojmë për brezat e ardhshëm dhe jo për zgjedhjet e ardhshme”.
Në vijim, Duka publikon edhe një intervistë të dhënë për mediat, ku ndër të tjera ironizon futjen e deputetëve të rinj në Parlament, të cilët i quajti “OMGJ” dhe jo “BIO”.
Por duket se ky etiketim nuk i ka pëlqyer Adriatik Alimadhit, që drejton Partinë e Ballit Kombëtar, i cili replikon me Dukën, që sot është një prej aleatëve të Lulzim Bashës, kryetar i PD-së.
