Pas raportimit të “Boldnews”, Prokurorja e Përgjithshme e Përkohshme, Arta Marku është kujtuar të zhvillojë procedurat për plotësimin e vakancës në Këshillit të Lartë të Prokurorisë, e krijuar pas shkarkimit të ish-anëtares Antoneta Sevdari.
Pasi shkeli çdo afat ligjor, Marku ka rishpallur thirrjen për kandidatë të rinj. Megjithatë, edhe në këtë rast, Arta Marku ka shkelur sërish afatet ligjore, pasi thirrje duhet të bëhej 3 ditë pas përfundimit të periudhës së aplikimit.
Mesditën e kësaj të shtunë është bërë publik fakti që Prokurorja e Përgjithshme e Përkohshme do të organizoje mbledhjen e përgjithshme të prokurorëve. Në garë pritet të marrë pjesë vetëm Vat Staku, i cili është i vetmi prokuror që i është përgjigjur thirrjes së Arta Markut për të kandiduar për të plotësuar vendin vakant në KLP. /BN/
*Arta Marku e bën “rutinë”, shkel ligjin për zgjedhjen e anëtarit të KLP
