PERDITESUAR
(Ora 16:00) Protestuesit hyjne ne aeroportin e Kukesit.
***
(Ora 15:40) Perplasje fizike eshte shenuar mes policise dhe protestuesve ne afersi te Aeroportit te Kukesit.
Qytetaret e Kukesit qe marshuan ne kembe drejt aeroportit prej me shume se gjysem ore, u ndaluan nga policia ne rruge, thane burime nga PD-ja, qe shtuan se qytetaret cane kordonin policor duke u afruar te aeroporti.
Nderkohe, kryeministri Rama mbaroi pak inuta me pare, fjalimin e tij nga aeroporti.
***
Zgjedhjet lokale/ Rama konfirmon Safet Gjicin kandidat për bashkinë Kukës
***
(14:50) Protestuesit drejt takimit të Ramës
Kryeministri Edi Rama ka mberritur ne aeroportin e Kukesit ku po zhvillon nje takim me simpatizante te partise te tij. Ai shoqerohet nga ish-ministri i Shendetesise Ilir Beqaj, i cili gjate fjales se tij akuzoi opoziten, si dhe Safet Gjici.
“Kryetari aktual, PD dhe Basha është në ikje”, tha Beqaj mes të tjerash.
Fjalën më pas e mori Rama. “Aeroporti i ri do i japë mundësi çunave të Kukësit që të vijnë nga lodra me pak paund. Shumë do vijnë për festa, ka dhe nga ata që do vijnë për protesta, po s’kemi ç’i bëjnë”, tha Rama.
“Është krejtësisht rentabël dhe plotësisht një projekt që na jep garancinë se do të jetë një gjenerator i madh i vendeve të punës. Është e njohur që çdo dollarë në avicion përkthehet në 4 dollarë përfitim, por ajo që është e padiskutshme është se do të sjellë një erë të zhvillimi për gjithë zonën. Do të ketë shumë nevoja për shërbime dhe gjithë infrastrktura do të prodhojë vende pune, ku për disa vite do të shkojë në 12.000. Nga ana tjetër po përfundojmë projektin e një stadiumi të ri dhe është ditë e keqe për miqtë në Vlorë sepse edhe ata duan stadium. Investimet siç i kemi zotuar do të kryejmë dhe së shpejti do të jemi përsëri këtu për ndërtimin e stadiumit të ri dhe kur të dilni në kupat e Europës do ti prisni këtu miqtë që do të vijnë. Për të dalë nga një situatë sa sëkëlldisëse aq edhe qesharake, se në bashkinë e Kukësit duhen 4 muaj për të marrë lejen për të ndërtuar spitalin. Ka një transformim të madh edhe pse kemi vendosur një fond për të ndërtuar një pjesë të domosdoshme të strukturës së spitalit dhe jo të gjithin, na u deshën 4 muaj për të marrë leje ndërtimi nga Bashkia e Kukësit. Se kam kuptuar akoma por kemi humbur 4 muaj ndërkohë që në spital sot ka shërbime që deri para pak vitesh as nuk mund të imagjinoheshin”, deklaroi shefi i qeverisë.
Ndërkohë, nga PD konfirmohet se qytetaret që u ngriten ne protesta u nisen ne kembe drejt aeroportit te Kukesit, pasi u informuan se Edi Rama mberriti atje me helikopter.
(14:25) Burime nga PD bene me dije se: “Edi Rama per te shmangur perballjen me qytetaret e Kukesit qe deklaruan se eshte i padeshiruar ne Kukes dhe i bllokuan rrugen ne hyrje te qytetit, ka hyre ne aeroportin e sapo dhene me PPP nga ajri me helikopter”.
***
(14:10) “Rama në Kukës me helikopter”, policia përplaset me qytetarët
Qytetarë të shumtë janë ngritur në protestë në Kukës, ku pritet të shkojë kryeministri Edi Rama.
“Edi Rama ruhet nga Policia per takimin ne Kukes”, tha burime nga Partia Demokratike, ndërsa shtojnë se “pritet te shkoje me helikopter per shkak te rrugeve te zena nga qytetaret”.
Forca të shumta policore janë vendosur në rrugën ku qytetarët kanë dalë në protestë dhe ka pasur përplasje verbale mes palëve.
Më herët, ish-kryeministri Sali Berisha, u shpreh se 1.200 forca policie shoqëronin Ramën për në Kukës.
Si është lajmëruar edhe më parë, ditën e sotme kryeministri Edi Rama, pritet që të zhvillojë një takim me qytetarët e Kukësi, por është paralajmëruar edhe një protestë kundër tij.
Kujtojmë se dy ditë më parë, ish-nëndrejtori i Policisë së Kukësit, Shkëlqim Pepkolaj, reagoi pas thirrjes së bërë nga faqja “Kukësi” në Facebook, për të mos lejuar kryeministrin Edi Rama që të hyjë në Kukës. Me anë të një postimi në rrjetet sociale, Pepkolaj tha se nëse do të bëhej diçka e tillë, do të ishte veprim historik.
Nga ana tjetër, kryetari i Partisë Demokratike të Kukësit, Arif Rexhmati, ka bërë thirrje për protestë kundër qeverisë Rama.
