Një ngjarje e rëndë ka ndodhur në Bulqizë, ku si pasojë e shpërthimit të një granate ka humbur jetën një fëmijë, ndërsa është plagosur një tjetër.
Ngjarja ka ndodhur në fshatin Kokërdhak të Fushë-Bulqizës dhe dyshohet se granata ka shpërthyer teksa fëmijët, vlla e motër, ishin duke luajtur. Si pasojë humbi jetën djali 10 vjeç, ndërsa motra 7-vjeçare u dërgua në spital në Tiranë.
“Në fshatin Koçaj-Fushë Bulqizë, dy fëmijë të mitur (motër dhe vëlla, 9 dhe 11 vjeç) kanë gjetur një granatë në një përrua , të cilët duke luajtur dyshohet se granata ka plasur ku për pasojë i mituri 11-vjeçar ka humbur jetën ndërsa e motra është transportuar për në spital. Grupi hetimor ndodhet në vendngjarje ku vijojnë veprimet për zbardhjen e plotë të rrethanave të ngjarjes”, njoftoi Policia.
/BN/
