Një 43-vjeçar shqiptar është arrestuar në portin e Golfo Aranci nga policia italiane pasi në makinën e tij u gjetën gjashtë kg kokainë e fshehur në dritaren e makinës.
Shqiptari, identiteti i të cilit ende nuk është bërë i ditur nga mediat italiane, po udhëtonte me gruan dhe vajzën 5-vjeçare.
43-vjeçari u pikas nga policia sepse teksa po ushtroheshin kontrollet e zakonshme në port ai po tregonte shenja nervozizmi. Kështu që karabinierërt vendosën që ta kontrollonin duke gjetur kështu dhe drogën.
Sipas përllogaritjeve nëse sasia e gjetur e kokainës do të mbërrinte në treg do të kapte vlerën e 1 milion e gjysmë eurosh.
