Pedagogët dhe studentët e Universitetit të Bujqësorit janë ngritur sërish në protestë ditën e sotme për të kundërshtuar vendimin e Bashkisë së Tiranës, për prishjen e fidanishtes në këtë korpus universitar.
Dekani i këtij universiteti, Maksim Meço është shprehur se duhet të shkojë Erion Veliaj, kreu i Bashkisë t’i sqarojë për të projekt pasi nuk kanë qenë të informuar. Sipas dekanit prona e fidanishtes tashmë është blerë nga bashkia.
“Duhet të dilte vendimi i formës së prerë të Gjyktës pasi të fillonin me ndërtimet. Ne si institucion do të mblidhemi dhe të gjykojmë për hapat. Pa ardhur Veliaj këtu të na sqarojë ne nuk do të ndalemi nga kjo protestë. Shkolla që do të ndërtohet nuk është private, do të ndërtohet nga bashkia e PPP-të e famshme. Ne nuk dimë gjë se si do quhet shkolla, nuk janë bërë dëgjesa publike. Certefikata e pronësisë, prona private është blerë prona nga bashkia, me VKM, për interesa të Bashkisë,” tha ai.
