Një tjetër demokrat shkon drejt pranimit të mandatit të deputetit.
Mësohet se Arlind Çarçani, kandidat në qarkun Korçë në zgjedhje e fundit parlamentare, ka dorëzuar në KQZ formularin e vetdeklarimit, duke i hapur rrugë kështu pranimit të mandatit të deputetit.
Deri tani nga katër deputetë që ka PD-ja në Korçë, dy prej tyre janë zëvendësuar. Në fillim ishte Ligoraq Karamelo, ndërsa tani edhe Arlind Çarçani pranoi mandatin.
Një ditë më parë, Korab Lita mori nga KQZ mandatin e deputetit, duke e çuar në 100 numrin e ligjvënësve në parlament.
Nismës së opozitës së bashkuar për të qenë jashtë parlamentit, që e quajnë të kriminalizuar, nuk i janë bindur disa deputetë apo kandidatë për deputetët në zgjedhjet e fundit parlamentare. Disa syresh, si Rudina Hajdari, Lefter Koka apo Myslym Murrizi, nuk dorëzuan mandatin e deputetit. Ndërsa të tjerë pranuan të zinin venet vakante në parlament, pas dorëzimit të mandateve nga deputetë të opozitës. Dy grupimet krijuan kështu të ashtuquajturën “opozita e re”. /BN/
