Nuk zhvillohet në orën e paracaktuar konferenca mbi “Klimën në Ballkanin Perëndimor”, që duhet të niste në orën 10:00 në Tiranë. Mësohet se shkak për vonesën e më pas shtyrjen e konferencës është bërë një problem mes delegacionit serb e atij kosovar.
Fatmir Matoshi, ministër i Mjedisit të Kosovës, ka folur pas incidentit në konferencën për Klimën e Mjedisit, ku ministrat serbë nuk pranuan të uleshin me ministrat Kosovar.
Ministri tha për gazetarët se shkak për këtë është bërë një rregull i vënë nga Kombet e Bashkuara, që Kosova të përfaqësohet nga zyrtarët e UNMIK.
“E papranueshme për Kosovën, nuk do të përfaqësohemi kurrë me logon e UNMIK”, tha ai.
Ndërsa ministri shqiptar i Mjedisit Blendi Klosi, krah atij kosovar, u shpreh: “Ne kishim një dakordësi më herët me OKB-në dhe me Serbinë, po ata nuk ishin dakord që Kosova të kishte të drejtë vote, dhe për këtë ne jemi këtu. Kosova kishte statusin e të ftuarit special”.
/BN/
