Nga Boldnews.al
Janë dy dosje që sado të zvarriten nga kryeprokurorja Marku, një ditë do kenë fundin dhe duket se ai moment mund të tokasë shpejt, me presionin më shumë ndërkombëtar. Dy personazhet që rrezikojnë të përfundojnë nga parajsa në qeli janë ish-ministri Damian Gjiknuri dhe kreu i bashkisë Durrës Vangjush Dako.
Ata dalin nga përgjimet telefonike dhe prova të tjera bindesë në aferën e shit-blerjes së votave në Dibër dhe Durrës. Gjiknuri, ish-i dërguari i PS-së në zgjedhjet lokale në Dibër, u kthye në personazhin më të veçantë, që angazhoi një shtet të tërë, me biznesmenë të dyshimtë të lidhur me botën e krimit për të fituar Bashkinë Dibër. Ia arritën, por me një kosto të madhe, rëndesa e së cilës bie mbi Gjiknurin, por edhe personazhe të tjerë të Partisë Socialiste.
Përveç dosjes 184, Damian Gjiknuri po sheh me shqetësim edhe hetimin tjetër në lidhje me skandalin e Unazës së Re, por edhe tendera të tjerë të prokuruara nga ministria e Infrastrukturës dhe Energjitikës, që u drejtua prej tij. Rama është gati ta lëshojë Damianin, “diamantin” e tij të rrallë, që edhe botën shpirtërore e ka të ndryshme nga të tjerët.
Beson tek Paramahamsa Vishewanda, që i përket një sekti të paqartë dhe të dyshimtë të auajtur ‘Bhakti Marga’. Por as lutjet nën këmbët e këtij personazhi që në botë njihet si mashtrues, duket se nuk do e shpëtojnë nga përballja me drejtësinë.
Nga ana tjetër, në Durrës edhe kryebashkiaku është në momente mëse të vështira, ku mbi kokë si gijotinë e ngritur qëndron dosja 339, tashmë e vërtetuar për lidhjet e tij me vëllezërit Avdylaj në Shijak, të arrestuar për trafik ndërkombëtar të lëndëve narkotike. Krimi elektoral në shitblerjen e votave në qarkun e Durrësit për zgjedhjet e vitit 2017 mbesin ana e errët e Vangjush Dakos. Mundi ti bëjë ballë betonizimit të qytetit, por mbeti në batakun e ngritur nga mania për të fituar zgjedhjet me çdo kusht.
Sinjalin e parë për ta lëshuar, kryeministri Edi Rama e dha teksa nuk e ka konfirmuar si kandidat për kryetar Bashkie në Durrës.
Kryeministri, i ndodhur vetë në pozitë të vështirë mund të luajë politikisht dhe “shitur lirë” dy bashkëpunëtorët e tij të ngushtë, për një kauz më të madhe, që është mbajtja e pushtetit. Rama mund të dalë në publik si personi që nuk “ndërhyn” në sistemin e drejtësisë dhe njëkohësisht të shpresojë se dorëzimi i dy bashkëpunëtorëve të tij të shkëpusë për disa kohë vëmendjen nga situata e rëndë që po kalon vendi, pse jo ti veshë atributet se është për “shtetin ligjor”…
Që të dy, Gjiknuri dhe Dako po përgatiten shpirtërisht për të pranuar verdiktin e drejtësisë, që mund t’i çojë në qelitë e errata të paraburgimit. I ndihmoftë Guruja Vishewanda.
