Vetëm një vit më parë, Bashkia e Tiranës dhe qeveria, prezantoi me shumë krenari projektin për të ndërtuar një kampus universitar sa më efektiv për Fakultetin Bujqësor. Por, vetëm disa ditë më parë, Policia Bashkiake është përplasur për herë të parë me studentët dhe pedagogët që kanë penguar autoritetet të prishin fidanishsten e këtij fakulteti.
Studentët dhe pedagogët e Universitetit Bujqësor kanë dalë sot sërish protestë ditën e sotme pasi janë kundër prishjes së fidanishtes në këtë korpus universitar. Ata janë duke protestuar brenda ambientetit të fidanishes, ku aty aty kanë nisur punën e dhe eskavatorët.
Dekani i këtij universiteti, Maksim Meço është shprehur se duhet të shkojë Erion Veliaj, kreu i Bashkisë t’i sqarojë për të projekt pasi nuk kanë qenë të informuar. Sipas dekanit prona e fidanishtes tashmë është blerë nga bashkia edhe pse zyrtarisht ata kanë ardhur me idenë se në atë zonë do të ndërtohet një shkollë private.
Nga ana tjetër edhe opozita ka reaguar lidhur me këtë ngjarje duke i bërë thirrje qeverisë dhe Bashkisë së Tiranës të ndërpresë menjëherë këtë nisme dhe të mos bëhet palë me shkatërrimin dhe korrupsionin.
