Në median online doli një lajm ku kryeplaku i fshatit Lin hidhte materiale inerte në liqenin e Ohrit duke shkaktuar ndotje të ujit. Pas këtij rasti, Policia e Pogradecit njofton se shtetasi G.A. procedohet penalisht në gjendje të lirë.
Njoftimi i Policisë
Pas publikimit të rastit në një portal online, specialistët e Seksionit për Krimet në Komisariatin e Policisë Pogradec, referuan materialet pranë Prokurorisë për veprën penale “Ndotja e ujërave” për shtetasin G.A, 60 vjeç, pasi dyshohet se në afërsi të fshatit Lin, ka hedhur materiale inerte në liqen duke shkaktuar ndotje të ujit.
Policia fton qytetarët që të denoncojnë çdo rast, duke iu siguruar se do të bëjë verifikimin e duhur për të vendosur përpara përgjegjësisë ligjore, të gjithë shkelësit e ligjit.