Kujtim Gjuzi është përfshirë në një debat jo të zakontë me Sekretarin e Përgjithshëm të KQZ-së, Ylli Merkaj. Ky i fundit ka replikuar me kreun e Partisë Konservatore, duke e akuzuar se është bërë i bezdisshëm. Sipas tij Gjuzi shkon çdo ditë në KQZ duke këkruar mandatin nëpër koridoret e këtij institucioni ndërkohë askush nuk e ka bërë më parë këtë akt.
Sa i përket Gjuzit ai shprehet se ndaj tij po bëhet një padrejtësi dhe se nuk ka ndër mend të presë gjithë jetën për të marrë atë që i takon.
Debatet:
Klement Zguri: Ne jemi zyrtarë të shtetit, takimet të zhvillohen sa herë që ato do kërkohen. Nuk po i hyjë se kush ka qenë rasti konkret.
Illir Merklaj, : Unë e shoh çdo ditë zotërinë (Kujtim Gjuzin) nëpër korridoret e KQZ-së. Tani kemi dhe punë të tjera, s’mund ta presim çdo sekondë dhe t’i japim…
Kujtim Gjuzi: E para unë s’nxitoj për të marrë diçka zoti Sekretar i Përgjithshëm i KQZ. Nëse vartësit tuaj më thonë na prisni në holl, unë këtë s’mund ta pranoj se jemi në zyrat e shtetit shqiptar. Kryetari e bëri këshillimin e tij dhe unë e falënderoj këtë.
Unë do vijë ditë për ditë në KQZ nëse ka shqetësime për ato që ju thoni për vonesat në listat e kandidatëve. Ju prisni që 140 deputetët që do shkojnë në Parlament, ju doni ta çoni deri në fund të vitit, por ne s’mund të presim kështu.
