Marko Radas vijon të jetë në Kroaci që para ndeshjes me Luftëtarin. Pavarësisht se kapiteni ka marrë leje nga klubi, largimi i tij nuk është pritur mirë në ekip.
Edhe pse lojtari konfirmoi për gazetën se do t’i bashkohej skuadrës shumë shpejt, deri dje nuk ka ndodhur diçka e tillë. Ai ka udhëtuar drejt Kroacisë fillimisht për të mbyllur proceduar e pajisjes së familjes me nënshtetësi shqiptare, por më pas i është dashur që të rikthehet sërish për shkak të problemeve familjare, gjithnjë sipas tij.
Tashmë nuk dihet se sa do të zgjasë mungesa e kroatit, që është një shqetësim i madh për trajnerin Shehi. Kjo u pa edhe në ndeshjen e fundit kundër Luftëtarit.
