Gent Ibrahimi, kryetar i KLP-së, shprehu keqardhjen mbrëmjen e sotme që Antoneta Sevdari u largua si anëtare e këtij institucioni.
Ibrahimi u pyet lidhur me faktin se është kunati i deputetes së PS-së Mimi Kodheli dhe a përbën kjo një konflikt interesi, ndërsa theksoi se akuza të tilla janë fëminore.
“Unë i kam shërbyer në forma të ndryshme, për dekada të tëra, vendit. Unë jam një qenie kozmopolite, kam ambicie profesionale, dhe mendoj se një fakt i tillë shoqëror, si ai që jam kunati i dikujt, është fyes kur përdoret për të më sulmuar”, tha Ibrahimi.
Në vijim, ai shtoi se KLP vendos për performancën apo provonimin e prokurorëve.
“Prokurori i Përgjithshëm ka pasur shumë pushtet, shumë përgjegjësi, që sot i kanë kaluar KLP, një organi kolegjial me 11 anëtarë”, tha Ibrahimi.
