Grumbullimi i Ikardit në sfidën ndaj Xhenoas, nuk është pritur aspak mirë nga tifozët e Interit. Nëpërmjet një komunikate zyrtare, tifogrupi “Curva Nord” ka ngritur zërin, duke i bërë me dije klubit se nuk e duan më sulmuesin argjentinas në skuadër, se sipas tyre, ai po prish grupin. Zikaltërit do të binin dakord për një fund sezoni të kompromentuar, vetëm që Ikardi të mos zbresë në fushë.
“Ftojmë klubin e Interit që të marrë masat e duhura për të larguar nga grupi Ikardin, pasi pjesa tjetër e ekipit duket qartë se nuk ka ndër mend që të ndajë të ardhmen dhe të tashmen me të. Edhe nëse rrezikojmë të komprometohet sezoni, Ikardi duhet të zhduket. Përpara me interistët”, shkruhet ndër të tjera në komunikatën zyrtare të “Curva Nord”.
