Kryeministri Edi Rama paralajmëroi ashpërsim të Kodit Penal ndaj atyre që protestojnë dhe atyre që organizojnë lojëra fati të paligjshme.
Nga Librazhdi, Rama u shpreh se bastvënien online e ka problem e gjithë bota. “Online-i e ka problem e gjithë bota, edhe në Kinë ku është e ndaluar edhe ne SHBA. Do kemi masa të reja në Kodin Penal. Kush organizon bixhoz të shkojë në burg, s’ka më ‘shko kape’, ‘do behëm çun i mirë’, të shkojë në burg kush organizon bixhoz në një vend ku është e ndaluar”, deklaroi Rama.
“Edhe për ndezjen e zjarreve do vendosim sanksione të forta në Kodin Penal dhe krime të tjera mjedisore”, shtoi shefi i qeverisë.
“Do futen në burg edhe ata që bllokojnë rrugët edhe ata që godasin për shkak të detyrës, ndaç zyrtarë në bashki, ndaç në parlament, të gjitha këto do ti adresojmë”, vijoi ai. /Boldnews.al/
