Reperi i njohur nga Los Angeles, Nipsey Hussle është qëlluar për vdekje jashtë dyqanit të veshjeve të tij, raportuan mediat amerikane këtë të hënë.
33-vjeçari u qëllua disa herë me armë zjarri dhe u shpall i vdekur pas mbërritjes në spital, njoftoi Los Angeles Times.
Dy persona të tjerë u plagosën në të shtënat jashtë “Marathon Clothing” në Los Anxhelos-in jugor.
Albumi i Nipsey Hussle “Victory Lap”, mori një nominim për aluminin më të mirë rap në “Grammy Awards” të këtij viti.
“Ne nuk kemi informacione rreth të dyshuarve për momentin dhe do të japim më shumë detaje pasi ato të bëhen të disponueshme”, njoftoi Departamenti i Policisë në “Los Anxheles”.
Rihanna ishte ndër artistët të cilët u shprehën të tronditur nga lajmi, duke shkruar në Twitter “shpirti im është tronditur”.
Nipsey Hussle, emri i vërtetë i të cilit është Ermias Davidson Asghedom, u rrit në Los Anxhelos-in Jugor dhe ishte pjesë e grupit “Rollin’ 60” gjatë viteve të adoleshencës.
Më vonë, ai u bë drejtues i komunitetit dhe u përfshi në projektin artistik “Crenshaë Destination”.
“U rrita në një kulturë gangsterësh”, tha ai për “Los Angeles Times” në një intervistë në vitin 2018.” “Ne u morëm me vdekje, me vrasje. Ishte sikur jetoje në një zonë lufte, ku njerëzit vdisnin përreth blloqeve të pallateve dhe në një farë mënyre të gjithë kishin fituar imunitet ndaj kësaj”. /Boldnews.al/
