Ervin Salianji, ish-deputet i PD-së, theksoi mbrëmjen e sotme në Opinion se ekspertiza britanike nuk ka përjashtuar aspak që zëri i Agron (Geron) Xhafës ndodhen në regjistrimin në çështjen “Babalja”.
Salianji theksoi se SHISH i ka dhënë Albert Veliut dy përgjues, me të cilat është përgjuar Agron Xhafaj.
“SHISH i ka dhënë dy përgjues të cilat s’mund të hapeshin në kompjutera të tjerë, veç atyre që ishin programuar si usb.
Në tabulatet telefonike të prokurorisë dalin me dhjetra komunikime, hyrëse dhe dalëse, mes Albert Veliut dhe Agron (Geron) Xhafajt.
Askush nuk e dinte në fillim, përveç meje, gazetarit dhe Albert Veliut, ndërkohë që Agron Xhafaj kur ka bërë denoncimin ka thënë se dyshon se ishte Veliu.
Ai thotë se nuk i është përgjigjur në telefon dhe më pas i ka bërë bllok thirrjeve të tij.
Ka komunikime hyrëse dhe dalëse mes Babales dhe Geron Xhafajt”, tha Salianji./BN/
