Teuta triumfoi ndaj Kastriotit me rezultatin 1-0, duke u rikthyer te ecuritë pozitive, pas një ngërçi që zgjati disa ndeshje. I ftuar në emisionin “Rubrika Sportive” kapiteni i durrsakëve, Tefik Osmani, foli për fitoren ndaj krutanëve. Korçari nuk nguroi të jepte një komente edhe për shprehjen e gjunjëve.
“Ky kampionat ka treguar që asnjë ndeshje nuk është e lehtë. Fitorja na ktheu në momentet tona të mira. Puna e gjunjëve është marrë nga ekipi i Skënderbeut. Kur e kemi thënë e kemi mbajtur. Këta të Kukësit e thanë dhe nuk e mbajtën. Ka merita Partizani. Ekipi i Partizanit më ka pëlqyer se nuk ka dalë asnjëherë nga loja. Janë mbrojtur mirë dhe kanë sulmuar me kundërsulm. Kjo ka qenë arma e Partizanit. Ka ditur të shfrytëzojë mundësitë që janë shfaqur para portës. I vogël kam bërë tifo për Skënderbeun. Ndërkohë që jam munduar të jap maksimumin me çdo ekip që jam aktivizuar”, u shpreh Osmani.
