Të paktën 26 zjarrfikës vdiqën pasi qindra u dërguan për të trajtuar një zjarr pyjor në malet e largëta në provincën Sichuan të Kinës jugperëndimore në fundjavë, thanë autoritetet të hënën, shkruan AFP.
Rreth 700 zjarrfikës u vendosën për të luftuar zjarrin, i cili shpërtheu të shtunën në një terren të pjerrët në një lartësi prej rreth 4,000 metrash në rrethin Muli, sipas ministrisë së menaxhimit të emergjencave.
Autoritetet humbën kontaktin me 30 zjarrfikës të dielën pasdite, pasi një ndryshim i papritur në drejtimin e erës ndezi një “flakë të madhe të zjarrit”, tha ministria në një deklaratë.
Ekipet e shpëtimit kanë gjetur 26 trupa dhe janë në kërkim të ekuipazhit tjetër të humbur.
Presidenti Xi Jinping dhe Kryeministri Li Keqiang dërguan udhëzime për t’iu përgjigjur emergjencës, thuhet në deklaratë.
