Corrado Hérin, kampion në garat me slita dhe biçikleta malore, ka ndërruar jetë këtë pasdite pasi avioni ultra i lehtë të cilin e pilotonte, u rrëzua në afërsi të Torgnon, në zonën e Valle d’Aosta-s në Itali.
Italiani Corrado Hérin ishte 52 vjeç dhe po merrte pjesë në disa festime me skuadrën e “Ski Club Torgnon”, kur ndodhi incidenti. Në bordin e avionit ndodhej edhe një tjetër person, i cili mbeti i plagosur rëndë në përplasje, raportuan mediat italiane.
Hérin ka fituar shumë gara me slita (“Luge“), duke marrë gjithashtu dy medalje ari në dy kampionate botërore.
Corrado Hérin në “mountin bike”
Më pas, nisi të konkurronte në garat me biçikleta malore, dhe fitoi një medalje bronxi në kampionatin e botës së zhvilluar në SHBA.
Në vitin 1997, fitoi kupën botërore të garave me biçikleta malore (mountain bike).
Kohët e fundit, ai kishte nisur të fluturonte mbi terrenet malore me avionë ultra të lehtë. /Boldnews/
