Ish-deputeti demokrat, Xhemal Gjunkshi, ka reaguar pas deklaratave të bëra mbrëmjen e sotme nga Ministri i brendshëm, Sandër Lleshi, për vrasjet në Shkodër.
Sipas Gjunkshit sot policia e Sandër Lleshit është kthyer në një agjenci funerale, ku kryen vetëm shërbimet mortore dhe jo parandalimin e vrasjeve.
Ja postimi i Gjunkshit:
Mëngjesi zbardh me tritol , darka ngryset nën breshëritë e kallashi…!
Ku po shkon Shqipëria ?!
Ku është policia ?
Cili është roli i policisë ?
A duhet që policia të mbrojë jetën dhe pronën e qytetarëve ?
A duhet që policia të parandalojë ngjarjet kriminale apo të qëndrojë si “notere” e mafias dhe vrasësve me pagesë… !
Sot policia e kapterr Lleshit është kthyer në agjenci funerale , që vetëm vendos shenja vend ngjarjesh , dhe nuk ndjek autorët.
Vetëm në 7 muaj janë 11 viktima dhe asnjë autor prapa hekurave , atëherë policia , në mos qoftë e përdorur nga mafia dhe grupet kriminale , është totalisht e pa aftë .
Vlora në duart e krimit dhe të bandave të drogës , Fieri në duart e bandave të drogës , Elbasani nën tutelën e bandave të krimit të organizuar dhe narkotrafikantëve të lidhur me Qazimin, në Tiranë vrasje mafioze si në Palermo, droga të forta dhe njerëz të lidhur me qeverinë , Durrësi nën këmbët e bandës së Gjushit e Niçes , Kruja nën tutelën e bandave më të rrezikshme të Ballkanit të lidhura me pushtetin, Lezha e Shkodra si në ËILD ËEST, Bulqiza nën dhunën e bandave të kromit, Dibra në ditët më të zeza, ku drejtojnë rrugaçët , zyrat janë mbushur me injorantë, analfabete me diploma fallco, nën urdhrat e krimit të organizuar.
Kudo krim, vrasje, tritol, terror, pasiguri … !
Qytetarët në panik , dhe pa asnjë shpresë
Policia si agjenci funerale, arreston protestues, ndërsa kriminelët dhe autorët e vrasjeve gjezdisin lokaleve luksoze të Tiranës .
Kjo është narko/policia e kapterr Lleshit, në shërbim të kupolës kriminale të qeverisë së Rilindjes .
