“2 gisht mjaltë” është filmi për të cilin po flitet kudo e që po bën namin me shitje biletash në kinema duke thyer edhe rekord historik. Ky film është kthyer edhe në kryefjalën e mediave pasi çdo ditë po zbulohen detaje të reja nga ky super prodhim i Mamaqi production me regji të regjisorit turk Emir Khalilzadeh dhe Ermal Mamaqit.
Marjana Kondi, Natasha Sela, Koço Devole, Bujar Asqeriu, Rezart Veleshnja, Eglein Laknori, Ervin Bejleri, Margent Caushi, Ervin Doko, Besnik Mustafai, Ledoni, janë disa nga aktorët që luajnë në “2 gisht mjaltë” e që janë të ftuar mbrëmjen e sotme në “Xing me Ermalin”.
Gjatë emisionit, Rezart Veleshnja u shpreh me humor se për këtë film është paguar 200 euro. “Po ne që kemi marrë 50 euro?”, tha Marjana duke qeshur.
“Po pse unë paskam qenë më i paguari?”, vazhdoi Ervin Bejleri.
“Pavarësisht se ti bën shaka, për aq punë sa ke bërë ke marrë më shumë se të tjerët”, i tha Ermali Rezartit. Megjithatë biseda u zhvillua me humor dhe shifrat e vërteta nuk u zbuluan.
