Ish deputetja e asamblesë së shtetit të Nevadas në SHBA, ka akuzuar të premten ish zv.presidentin amerikan dhe kandidatit potencial për president të SHBA-së nga ana e demokratëve, Joe Biden se ai në vitin 2014 i është afruar, e ka puthur mbrapa kokës, raporton CNN.
Lucy Flores, i shkroi këto akuza për The Cut, një degë e revistës New York, e cila pretendoi se Biden e bëri të ndihet “e shqetësuar dhe e hutuar”, gjatë një eventi të fushatës në vitin 2014, ku ajo ishte kandidatja demokrate për zëvendës guvernatore e shtetit të Nevadës.
“E ndjeja tek afrohej afër nga mbrapa. Ai i fryu flokëve të mia. U shokova” shkroi Flores, duke shtuar që ajo gjatë tërë kohës mendonte se pse zv.presidenti iu afrua asaj. “Ai më dha një puthje të madhe e të ngadaltë në pjesën e pasme të kokës. Truri im nuk mund ta kuptonte çka po ndodhte. Isha e turpëruar. Isha e shokuar. Isha e hutuar.”
Flores vazhdoi: “Nuk mund të lëvizja dhe të thoja ndonjë gjë. Nuk doja gjë tjetër përveç që Biden të largohej nga unë.”
Këto akuza vijnë gjatë kohës që Biden po e konsideron kandidimin për president të SHBA-ve.
Në një njoftim për CNN, Billo Russo, këshilltarë i Biden, tha: “Zv.presidenti Biden, u mundua shumë që ta mbështesë Lucy Floresin në garën e saj për zv.guvernatore të shtetit të Nevadës në vitin 2014, dhe të flas në emër të saj para njerëzve dhe mbështetësve të tjerë. As atëherë, as në këto vite që kanë kaluar, Biden ose stafi I tij nuk kanë tentuar që ta vendosin Znj. Flores në pozitë të papërshtatshme”.
“Por zv.presidenti Buden beson se Znj.Flores ka çdo të drejtë që ta ndajë mendimin e saj me publikun dhe këto mendime na ndihmojnë që të ndërtojmë një shoqëri më të mirë që i jep mundësi çdokujt. Biden e respekton Znj.Flores si një zë i fuqishëm dhe i pavarur në politikë dhe i uron të gjitha të mirat.”
Në një përgjigje për CNN, Flores tha që gjatë asaj kohe ajo ishte një “Vajzë amerikano-latine e cila ishte e re në politike” dhe se ajo kurrë më parë “nuk ka përjetuar një situatë aq të papërshtatshme ndonjëherë”, duke shtuar se e ka bërë të ndihet “e shqetësuar, konfuze dhe e pafuqishme.”
“Edhe nëse sjellja e tij nuk ka qenë e dhunshme ose seksuale, ishte e pakuptimtë dhe jo e respektueshme” tha ajo.
“Unë nuk sugjeroj që Biden e theu ndonjë ligj, por edhe veprime të tilla të vogla, shpesh konsiderohen të papërshtatshme për personat që i përjetojnë” shtoi Flores.
Përndryshe Biden, ka shërbyer si zëvendësi i Obamës në dy mandate, duke dhënë sinjale se kësaj here do të kandidojë për garën e demokratëve për SHBA-në.
