Kryetari i Opozitës së Bashkuar Lulzim Basha ka shpjeguar edhe njëherë para qytetarëve të Durrësit, arsyet pse opozita ishte e detyruar të digjte mandatet.
Sipas Bashës, qeveria ka rënë me kohë, ndërkohë që përpëlitet që të shpëtojë Dakon me Niçen, duke ndërruar herë pas here prokurorët e dosjes 339.
Këta janë kapur si asnjëherë duke vjedhur vota, sepse ndryshe nuk ikën populli refugjat, por ikën qeveria. Ikën me votë dhe shkon para drejtësisë.
Edi Rama e di shumë mirë se po të mbahen zgjedhje të lira nuk fiton vota në fshat dhe në qytete.
Prandaj ai ka shkatërruar themelin e demokracisë, votën e lirë.
Kush më mirë se durrsakët dhe shijakasit e dinë këtë.
Dosja 339 është dëshmia më e mirë e kapjes dhe e shkatërrimit të drejtësisë.
Ka ndërruar 5 herë prokurorët e dosjes 339 me shpresën se do shpëtojë Vangjush Dakon dhe Niçen të kapur duke vjedhur vota.
Ndaj me zgjedhje të vjedhur, më Gjykatë Kushtetuese të shkatërruar, me drejtësi të vrarë, nuk kishte asnjë rrugë tjetër për opozitën për ti shërbyer interesit publik.
