Ermal Mamaqi dhe Elvana Gjata janë miq shumë të mirë në jetën reale, aq sa e quajnë njëri-tjetrin si vëlla e motër, por në filmin “2 gisht mjaltë” u vendosën në një situatë të sikletshme. Elvanës dhe Ermalit iu desh që në një moment të filmit të putheshin në buzë.
Lidhur me këtë skenë, këngëtarja u shpreh në premierën e filmit kështu: Unë jam çift në këtë film me vëllain tim. Sesi nuk ju hëngri ajo mortja që unë duhet të puthja ty, unë nuk e di.
Sot i ftuar në emisionin “Rudina”, i pyetur lidhur puthjen nga moderatorja Rudina Magjistari, Mamaqi u shpreh: Të puthësh Elvanën është njësoj si të puthësh njerëzit e shtëpisë.
Ermali shtoi se ky moment me Elvanën ishte ndryshe nga skena që ka ndodhur me Enxhi Cukun në filmin “Femrat”, pasi e konsideron këngëtaren pjesë të familjes.
